| رفيق دِلسوُز وُ غَمْ خوار |
سي ديريت مي زِنمْ زار |
| زِنيي سَخت وُ بي زار |
دي مالگهَ مي كنمْ بار |
| وِ يادِت شعر مِهوُنمْ |
بَلكَمْ زِنهَ بَموُنمْ |
| توني رفيقِ پاكمْ |
سي ديينِت هلاكمْ |
| سَر كَليا چوُل ويروُ |
نهَ اَسبي نهَ سوُاروُ |
| نهَ وَرهَ مِيشِ بَرشهَ |
نهَ تَژگاهَ پُر دِ تَشهَ |
| نهَ پاتيل شير زِنهَ جوُش |
نهَ كَسْ دِ گَپ گيرهَ گوُش |
| نهَ بيل دار نهَ حَناهوُ |
نهَ عَمار مَن نهَ تاپوُ
|
| دِلمْ لوُ ريز دِ خينهَ |
وِ يادِت هِي غَمينهَ |
| بيمار ييا هِزارهَ |
بيشترشوُ دَرموُ نارهَ |
| نهَ جوفنهَ پُر دِ خَمير |
نهَ سوُخت داريمْ سي تَنير |
| نهَ قا طروُ نهَ رَمهَ |
نهَ چهل سروُ شوُ شَمهَ |
| نهَ گُل وَني نهَ لا ري |
نهَ كَسْ مي كهَ نازاري |
| نهَ بيشهَ زار نهَ چَشمهَ |
نهَ سوُرمِدوُ نهَ وَسمهَ |
| نهَ شِنيار نهَ گاوُهوُلهَ |
نهَ شِكبوُ نهَ بار كوُلهَ |
| نهَ گُرز ارَژ نه چوُ باز |
نهَ كُر جِحال يَغهَ واز |
| نهَ روُ روُ سِيي دِما دُز |
نهَ چَرچي نهَ پينهَ دوُز |
| نهَ حَجوُمَت نهَ فال گير |
روُزگار كِردِ مهَ پير |
| نهَ گاياري زِمي بَر |
تير بِيرِيمْ سي بُن كوُ بَر |
| نهَ سازِنهَ دوهل دار |
نهَ بازِنهَ صوُوهَ دار |
| نهَ شَهوا كوُ هوا دار |
نهَ كورُينگ مَن نهَ هُمار |
